اروح كوكب الارض منين ؟؟؟

تدفق في البطحاء بعد تبهطلِ *** وقعقع في البيداء غير مزركلِ وسار بأركان العقيش مقرنصاً *** وهام بكل القارطات بشنكلِ يقول وما بال البحاط مقرطماً *** ويسعى دواماً بين هك وهنكلِ إذا أقبل البعراط طاح بهمةٍ *** وإن أقرط المحطوش ناء بكلكلِ يكاد على فرط الحطيف يبقبق *** ويضرب ما بين الهماط وكندلِ فيا أيها البغقوش لست بقاعدٍ *** ولا أنت في كل البحيص بطنبلِ

الخميس، 25 سبتمبر 2008

باقى يومين
على ايه ؟
اكيد هتسألوا السؤال ده
انا جى كوكب الارض بعد يومين الله انا فرحان اوى
بقالى 9 شهور قاعد فى الخنقه دى مش عارف اخد رحتى ياله كلها يومين واروح للدنيا الواسعه والبراح الكبير
على فكره هو الساعه كام دلوقتى ؟

اله ده انا ممعيش ساعه طيب هاعرف الميعاد ازاى؟
اه فكره انا اعد دقات قلب ماما كل دقه بثانيه وكل ستين ثانيه بساعه وكل 48 ساعه يومين وبعد يومين انا هوصل
ايه ده ماما ما بقتش تتحرك ليه؟

اه اكيد نايمه يعنى احنا دلوقتى بالليل طيب انام انا كمان ومش لازم اعد الساعه خليها مفاجئه
ايه ده ؟

ده انا نمت كتير قوى

ايه ده من اللى عمال يشد فى رجلى ده؟

اوعه يا عم انت متشدش كده انا جاى معاك من غير شد اله اله انت بتضرب كمان

هوانتواجيبنى هنا تضربونى ولا ايه ؟

هو انا نزلت فى قسم شرطه؟

اوعه يا عم انت بس كفايه ضرب

يعنى مش ناوى تسكت طيب خد واء واء واءءءءءءءءءءءءءءء
ايوه كده ناس مبتجيش غير بالعين الحمره اوعه كده لا تبوس راسى ولا ابوس راسك
ادينى لماما يله خلينى ارضع انا جعان وانت مصحينى من النوم وكمان هرتنى ضرب
ازايك يا ماما انا اول مره اشوف وشك انتى حلوه اوى وانت ياسى بابا عمال طول التسع شهور تشرب سجاير وتدخن وكأن مفيش حد عايش معاك انت خنقتنى ابقه خلى بالك بعد كده
الله هى دى الارض جميله قوى انا عمال العب

وبابا وماما بيحبونى صحيح ساعات بيضربونى بس ده لما ببقى غلطان وكمان بيصلحونى بعد كده المهم ان الدنيا دى جميله قوى وانا بحبها ونفسى اكبر بسرعه وكلم البنى ادميين ياله كلها كام سنه واكبر
اول سنه
تانى سنه
تالت سنه
رابع سنه
خامس سنه
عن اذنكم بقه لازم اروح انام دلوقتى

ايه ؟

انا عارف انتوا بتقولوا ايه بتقولوا لسه بدرى انا عارف بس انا بقيت عيل مهم عندى مدرسه الصبح ولازم انام بدرى علشان اروح المدرسه وابقى دكتور واجيب اولاد للدنيا الحلوه دى تصبحوا على خير

هناك تعليق واحد:

boda_style يقول...: بسم الله الرحمن الرحيم

تصدق بعد اللي حصلك مصعبتش عليا
قلت أكيد تستاهل
مش عارف ليه كلمة عمو بتنزفزني وبكره اللي يقولها
بصراحة العملية حقد طبقي لأن طبقة ( عمو دي ) أكيد اعلى من طبقتي يججي كدة 1500 درجة
فيه نقطة مش عاجباني في المدونة بتاعتك ليه إنت اخد موقف من الفلاحين
يبني الفلاحين دول هما اللي بنوا البلد والبهوات المدنيين هما اللي خربوها
الفلاح أكتر شخص في مصر بيعاني
خلوه غصب عنه يهجر أرضه وإدوله كيماوي مسرطن وخلوا حياته جحيم ومع كل ده لسة مخلص لبلده ولسة بيحبها برغم كل المآسي اللي إتعرضلها
الفلاحين دول أكتر ولادهم دكاترة ومهندسين وناس ناجحين جدا ومشرفين لمصر
صدقني صحيح الفلاحين فيهم شوية صفات بتزعج بس والله مهما كانوا برده بحبهم لأن الطيبة ديما فيهم وكفاية تقديرهم للعلم والعلماء والمدرسين
يبقا أنا ليا واحد صاحبي فلاح في بلده بينضربله تعظيم سلام لمجرد إنه طالب جامعي ولما يكون ماشي في البلد تحس إن البلد كلها بتبصله والبنات كلها بتتمنى زوج زيه; 2 يونيو 2010 في 4:42 م

إرسال تعليق

نبأ عاجل

نبأ عاجلا أعلن عم نوفل الجزمجى نجاح حركته الانقلابية في جمهوريه ___________ واستيلاؤه على الحكم في خطوه وصفها المراقبون بالخطيرة هذا وقد أعلن عم نوفل انه لا ينوى الاستيلاء على الحكم أوالاستمرار في السلطة وانه سوف يقوم يتولى مسئوليه الحكم كفترة انتقاليه مدتها 99 سنه لحين إجراء الانتخابات وفى سؤال للصحفيين عن رقم 99 سنه بالتحديدأعلن انه لبيان حسن التيه حيث تنص القوانين الدوليه على ان من يضع يده على شىء 100 سنه اصبح ملكا له وهو لا ينوى ان يستمر فى الحكم

البرنامج السياسى

وعن برنامجه السياسى على الصعيد الخارجى اعلن عم نوفل عن اتباع سياسة الوفاق العدائى مع كل الدول الصديقه وغير الصديقه وفى سؤال للصحفيين عن هذه السياسه ???

اعلن عن تنشيط الدبلوماسيه ال_______________ لتفعيل الوفاق بين جميع الدول الكبرى والاستفاده من ذلك فى عقد قروض بمبالغ طائله للاستفاده منها فى برامج تحسين الحالة الاقتصاديه الحاكم واسرته وبالنسبه لسياسة العداء فهى سوف تنشأ نتيجة عدم سداد هذه القروض

السياسة الداخلية

وعلى صعيد السياسه الداخليه اعلن عم نوفل الجزمجى عن قيام الديمقراطيه والغاء مجلسى الشعب والشورى وعلى الصعيد الاقتصادى اعلن عمنوفل عن اعتماد اولوية سداد الديون اولا كما وجه نداء لكل الدائنين وحاملى السندات بالتوجه غدا لوزارة الماليه ومعهم سندات الدين والمستنداتالداله و4 صور شخصيه وشراء قسيمة استرداد الدين من الشباك المختص بالوزاره بقيمه 10 جنيهات ثم التوجه لمكتب سيادة الوزير ليقولك بصراحه ملكش عندى حاجه وبذلك نكون قضينا على مشكلة الديون

عن السياسة التعليمية

أعلن عن اتباع اولوية رفع الاعباء التعليميه عن المواطنين وذلك بزيادة المصروفات الدراسيه الى الضعف وفى سؤال للصحفيين عن مدى التضارب بين القرار والغرض منه اكد ان ذلك القرار سيؤدى بالمواطنين الى عدم ارسال اولادهم الى المدارس وبالتالى رفع الاعباء التعليميه عن كاهلهم وبناء على مبدأ تكافؤ الفرص بين الجميع اعلن عن منح ابنائنا الطلاب الذين سيستمرون فى الدراسه رغم زيادة المصروفات يومين اسبوعيا للرحلات مع اعتبار اليوم السابق للرحله اجازه ليستعد الطلاب للرحله وكذلك اليوم التالى للرحله ليستريح الطلاب من عناء الرحله ولا مدرسه بعد اليوم هذا وقد اعلن عم نوفل الجزمجى عن عقد مؤتمر على المدونه الاخباريه(اروح كوكب الارض منين)قريبا/

مكانكم ايها الرجال

اعلن مصدر مسعور عن مستشفى البنك المركزى

بيان الى الاخوه ال ايها الاخوه المواطنين بكل الحزن والاسى وبقلب يعتصر ننعى اليكم خبر وفاة الخمسة قروش مساء امس فى ساعة متأخره تبعتها بلحظات كلا من العشرة قروش والخمسوالعشرون قرشا والخمسون قرشا
بينما دخل الجنيه غرفة الانعاش وراحت الورقه فئة الخمسة جنيهات فى غيبوبة مستمره
وسقطت العشرة جنيهات على الارض وحملت سيارة الاسعاف ورقة العشرون جنيها الى المستشفى
وهذا وقد شعرت الورقه فئة خمسون جنيها ببعض الدوخان
وتم اعطاء الورقه فئة المائة جنيها التطعيمات اللازمه دون جدوى
هذا وقد واصل المواطنون النحيب طوال الليل والنهار من هول الصدمه وفقد ذويهم

هذا وقد ارتفعت اسعار الباذنجان والذى لجأ اليه الافراد للتخلص مما لديهم من

عملات النافقه

الاخبار الرياضيه

واصل فريق التوهان

انتصاراته وتصدره لجدول الدوره الرمضانيه بعد تغلبه على فريق السرحان بنتيجة
صفر:صفر
هذا وقد احرز الصفر الاول اللاعب عنتر المكسح وذلك بتسديده قويه بكف يده اليمنى
ورغم خروجها الى الضربه الركنيه الا ان الحكم قرر احتسابه
لان عنتر كان فى نيته التسديد فى المرمى وليس الركنيه
بينما احرز الصفر الاخر اللاعب شيبوب الاعمش عن طريق الخطأ فى مرمى الفريق المنافس
هذا وقد اعلن الفريق المنافس اهتمامه بالتعاقد مع حارس مرمى فريق التوهان
الذى لم يحاول التصدى لاى كره
مع بقائه فى فريقه ويتكفل الفريق الاخر بدفع كامل مستحقاته

دا انجليزى ده يامرسى

السيد منصور ابو حفنى لديك المجال لعرض وجهة نظرك للدفاع عن ثورة 23 بلية تفضل :

من النهاردة مفيش حكومة ...انا الحكومة ...ياسلام يا دكتور عوكل قد ايه الواحد بيشعر بالفشخرة لما بيفتكر البيان الاول للثورة ( من النهاردة مفيش حكومة ... انا الحكومة ...)

الثورة اللى خلصتنا من الملك (فانوس) وذلك بالقاء كرسى فى الكلوب

الثورة اللى خلصتنا من الانجليزى ( اللى الحقيقة كان صعب جدا ) ايوه دى الحقيقة

لو كشفنا النقاب عن الاسباب الحقيقة للثورة اقراء حين يقول السيد جلال عبدالبصير فى الاسباب وراء القيام بالثورة

انه كان بيكره الانجليزى طحن وان المستر كان دايما بيسقطه عن عمد رغم انه كان بيكتبلهim donkey) )

ولو تقراء حين يقول السيد اعور الساعات انه ثقافته كانت المانى

وانه لما المعلم الزناتى انهزم يارجاله سأل الرجالة سؤال مهم جدا

(دا انجليزى دا يامرسى )

تطرد مين ياابن الكلب طااااااااخ

الست اطاطا لديك تعليق على هذا الكلام :

ست اطاطا من فضلك ممنوع التدخين فى البرنامج من فضلك ياست اطاطا والا سنضطر لطردك من الحلقة

تطرد مين ياابن الكلب طااااااااخ

( عفوا سنضطر لاستكمال البرنامج بدون المذيع )

شوف ياد ياموونن يامدمممن يامدون انت وهى

تنظر الست اطاطا بشدة الى منصور الحفنى ثم تقفز ناحيته وتنظر فى عينيه قائلة ( انت مرتبط )

هل حقا لا يصلح المصريين للحكم ؟

ربما قد ينزعج الكثيرين من هذا السؤال وتلك الاجابة لكنها الحقيقة التى فرضت نفسها وظللنا نصفق لها بقوة خلال السنوات السابقة دون نظرة موضوعية للاحداث والنتائج لقد اثبت التاريخ ان مصر صاحبة التاريخ العظيم لم يحكمهم مصرى منذ القدم ومنذ فترة حكم محمد على صاحب نهضة مصر الحديثة ورغم استمرار الحكم الملكى من بعده يوضح التاريخ ( وليست افلام السينما المصرية ) مدى الديمقراطية التى عاشها ومارسها الشعب المصرى خلال تلك الفترة وحتى الملك فاروق تلك الديمقراطية التى ضمنت للسادات ( باعترافه هو شخصيا ) ورغم انه كان سجين سياسى فى تهمة اغتيال وزير حق التحقيق النزيه دون التعرض للبلطجة من جانب اياما كان تلك الديمقراطية التى اعطت مساحات لحرية الشعب والافراد والطلاب تلك الديمقراطية التى ساندت عسكريا الاخوة الليبين ضد الاحتلال الايطالى تلك الديمقراطية التى دخلت حرب فلسطين بغض النظر عن النتائج وادعاء الاعلام المصرى المعاصر اكذوبة الاسلحة الفاسدة تلك الديمقراطية والتى استخدمها السادات واخوانه وعبدالناصر وجماعته لسلب نظام الحكم ثم تحويل مصر الى عزبة خاصة (يستضعف طائفة ويعذب طائفة ) ولان السالب للشىء دائما يحتاج للبلطجة لحمايته فقد اعطى مساحة من السلب والبلطجة وقام بتحويل جهاز امن المواطن الى جهاز قهر المواطن تلك الثورة التى اضاعت سيناء مرتين 56 و 67 تلك الثورة التى افقدت الجيش المصرى 85% من اسلحته وفتحت الطريق ممهدا للقاهرة امام الصهاينة انها الثورة التى نهلل اليها انها من زرع ثقافة المعتقل والترهيب والباشا فى ابناء الشعب المصرى انتهاء بما نحن فيه الان ذلك كان على المستوى السياسى

اما المستوى الاقتصادى فلاريب بان هناك فرق بين مصر التى كانت دائنة لبريطانيا الدولة العظمى فى ذلك الوقت ومصر مبارك الان

اما المستوى الثقافى فحدث ولا حرج عن العنب العنب وانت مبتعرفش وابوالليف تحية الى النظام الملكى الديمقراطى وسحقا للنظام الجمهورى الديكتاتورى

مدونتى

الخميس، 25 سبتمبر 2008

هناك تعليق واحد:

من أنا