اروح كوكب الارض منين ؟؟؟

بعد لما حفيت رجليه من الجري على الوظايف ملقيتش قدامى غير أنى اطلع رخصه واشتغل سواق انا مش معترض
بس الفكرة كان ليه التعليم من الأول ؟

مكنت اشتغلت على طول أحسن ما علينا المهم رحت المرور

يا جماعه عايز اطلع رخصه
معاك قلم ؟

لا

ليه؟
طيب هات خمسه جنيه وخد القلم ده و اكتب اللي هقولك عليه علشان تجيبه

1 – أصل المؤهـــــــل
موجود خذوه يعنى إنا هعمل بيه إيه ؟؟؟
2 - أصل شهادة الميلاد موجودة يعنى هتنفعنى في إيه ؟
3- أصل الموقف من التجنيد

أيــــــــــــــه؟

يانهار اسود موقف إيه ؟؟

ده إنا طلع عيني علشان اطلع الشهادة دى

وأنا كمان محتاجها علشان امشي بيهـــا لما حد

يسألني عليها
ما تروح تتطلع واحده ثانيه يافالح
لازم يعنى الشهادة دى؟

مينفعش عشره جنيه بدالها؟
إيه ... عشره جنيه بس ؟

لا ما تنفعش يله هات الحاجه دى وتعالى
حاضر نهايته رحت التجنيد
إنا عايز ادخل اعمل بطاقة تجنيد ثانيه لو سمحت
معاك صورتها؟؟؟ لا
طيب روح صورها

أروح فين ده إنا جيلك من أخر الدنيا حرام عليك

ما إنا اسمي على الكمبيوتر جوه
هي دى الأوامر ويله متعطل ناش

وأبقه تعالى بكره عشان قربنا خلص دلوقتى
أمري إلى الله
صباح الخير أتفضل يا عم الصورة أهي ودخلني بقه
حلو قوى اهو كده ....فين البطاقة بقى ؟

بطاقة إيه ؟ بطاقتك يا حلو
آه نسيتها في البيت معلش طيب روح هاتها
اجبيها منين ؟؟؟ ده إنا ساكن في مكان بعيد

مش هلحق.. ومش هتدخل من غير البطاقه

حرام عليك ... مافيش فايده

طيب انته ماقلتش ليه كده أمبارح وكنت خلصتني
مع السلامة يا كابتن وأبقه تعالى بكره
أمري لله
صباح الخير يا عم أتفضل أدى صورة التجنيد وأدى البطاقة
آه بس للأسف مش هتقدر تدخل النهار ده

ليه تانى ؟

النهار ده بناخد دفعه جديدة من المجندين

واستكفينا بالعدد اللي دخل جوه ومش هندخل حد تانى
يا أخي حرام عليك زهقتنى خلصني بقه نفسي اشتغل
بكره يا سيد
صباح الخير (من تحت الضرس طبعا) ممكن ادخل ؟؟؟
طبعا أتفضل يا باشا
لو سمحت يا دفعه إنا عايز اعمل نسخه تانيه من شهادة التجنيد

معاك البطاقة وصورة النسخة الأولى ؟؟؟؟ معاى
طيب ادخل اقف فى الطابور الطويل ده
حاضر ........وبعد 4 ساعات
لو سمحت يا دفعه إنا عايز اعمل نسخه ثانيه من الشهادة دى
طيب هات 15 جنيه وخد الورق ده وادخل من أول يمين
لو سمحت يا باشا الورق بتاعى اهه ممكن تعمله لي
طيب هات وروح اقعد لما نندهك
حاضر الحمد لله قربت اخلص ده أنا تعبت تعب
بعد 3 ساعات
فين محمد صبحي ؟؟؟ ........ أفندم
تعالى خد ورقك

اله أمال فين الشهادة؟
صور الورقة دى صوره واضحة دى مش باينه خالص!!!
يانهار اسود ...يعنى إيه ؟ مش هاخد الورقة دلوقتى
لا ........ بكره يا سيد
وتسمرت في مكاني معنديش أي استعداد أنى اجى المكان ده تانى

وقعدت أفكر ! وأفكر!! وأفكر!!!
آآآه العسكري ده بقالي 10 أيام بشوقه

أنا كرهتك .. كرهتك.. كرهتك

ورحت هاجم عليه وخاطف السلاح منه وفجاه المكان هاج والناس بقت تجرى وتصوت ومفضلش غيري أنا و العسكري

وشفت نظرات الخوف اللي في عينيه وهو بيترجانى عشان أسامحه
آآآه وأنت مرحمتنيش ليه وخلصتلى ورقى ؟
مش ذنبى والله هما اللى قالولى
هما مين؟ ؟؟ انطق
وفجأة ... سلم نفسك يا محمد المكان كله محاصر
مافيش فايده من المقاومة
إيه ده ؟؟؟ مكان إيه اللي محاصر؟ ؟؟

هو إنا بقيت أرهابى؟؟؟
طيب مبد هاش بقه
أي حد هيقرب هخلص عليه إنا بحذركم وبحملكم مسئولية قتله
طيب قول لنا طلباتك ... ويمكن نقدر نتفاهم
إنا عايز تجيبولى شهادة خدمه عسكريه عشان اشتغل
وكمان عايز طياره خاصة تنقلني الزقازيق فورا
يا إما كده يا إما هقتل العسكري اللي معايا
طيب ادينا فرصه نعرض الأمر على المسئولين
وكأني شايف مجلس الوزراء مجتمع وابتدئ رئيس الوزراء

يتكلم بصوت عالي :
ده نتيجة التسيب لأنكم يدخلوا كل من هب ودب

من غير ما تتأكدوا من شخصيته كويس
رد وزير الدفاع : لا ياريس محدش بيدخل من غير البطاقة بناعته
مش كفايه لازم البطاقه وشهادة الميلاد و2 شهود و3 عساكر من القسم
والله كلام سليم يافندم بس دلوقتى نخلص من الموقف ده

وبعد كده نبقى نعمل ا لإجراءات دى
إنا شايف إننا ننفذ له اللي هو عوزه
رد وزير الداخلية لا ياريس ميصحش إحنا كده هنشجع الإرهابيين أمثاله

طيب إحنا ممكن نعمل الكلام ده في السر ونقول للناس إن إحنا مسكناه
رد وزير الماليه ازاى ياريس ونضيع على الدولة تمن الدمغات والرسوم المطلوبه للشهادة مما يؤدى لانخفاض الدخل القومي وقلة الاستثمارات وقلة الإيرادات وعجز الموازنة وانخفاض إرباح قناة السويس
طيب انتوا شايفنا نعمل إيه
إحنا نرفع الأمر لمجلس الأمن يانهار اسود مجلس الأمن
وهنا بقه فقت من السرحان اللي كنت واقف فيه

وانا باصص للعسكري اللي كنت هخطفه من شويه
وقلت لنفسي الطيب أحسن

ارجع إنا بقه و أجي بكره

وامرى لله

بس يارب الحق اطلع الشهاده قبل ما اموت