اروح كوكب الارض منين ؟؟؟

( الفلاح الثاني ) السيد محروس البلبوص

يقف محروس فجأة قائلا بصوت عالي ( أفندم ) ثم بدأ يسأل

طيب لا مؤاخذه يا فندى الجماعة اللي بره يقولوا

( الله اكبر كده يعنى أعوذ بالله استغفر الله العظيم )

..يعنى ...مش جادر اجولها

طمأنه السيد حلاوة قائلا : أتفضل قول متخفش

بيقولوا كده إن إحنا معندناش دقروماطيه وكمان بيقولو إن (الحزم البطنى) مسيطر على( السلطه )كلها لوحده

وده السر إن إحنا مش لاجيين نأكل عشان السلطة أهم حاجة في الأكل

(لم يتمالك السيد حلاوة نفسه وقاطع البلبوص قائلا ) :

أعوذ بالله من غضب الله أعوذ بالله من غضب الله

إيه اللي جرى للناس يا ناس ؟؟؟

للدرجة دى!!! هي حصلت يتكلموا في أعراضنا؟؟؟ الدقروماطيه !!! حصلت الدقروماطيه!!!

بص ياسيدى L إنا هقولك الناس دى بتعمل كده ليه ؟؟

هما بيقولوا كده عشان موضوع الانتخابات يعنى ونسبة إل (99.9%) دى بس هما مش فاهمين حاجة

يعنى لو كانوا سألونا كنا إحنا وضحنا لهم

هما فاكرين إيه؟؟ كل بلد زى الثانية؟؟ كل دستور زى أخوه ؟؟

كل دقروماطيه زى دقروماطيتهم؟؟؟

لا ياسيدى.. إنا بقولهم ( ايوه إحنا عندنا دقروماطيه)

ويمكن بنطبقها أحسن منكوا كمان

آمال إيه حكاية (99.9%) دى يا فندى ؟؟؟

الحكاية يا سيدي إن الدستور عندنا بيفرق بين أصوات المواطنين وأصوات الحكومة و بيوزع الأصوات بين المواطنين والحكومة بنسب مختلفة

يعنى بيعطى (صوت الرئيس) لوحده نسبه ( 99.8% ) من الأصوات في نتيجة الانتخابات

( شوف وقال يقولوك مفيش نسب مشاركه!!! إذا كان الرئيس بحاله شارك

(نسبة 99.8 من الأصوات شاركت)

رد محروس وقد بدا عليه التأثر ايوه صحيح إن بعض الظن إثم

بس مش كتير ده يا افتدى 99.8 % للرئيس ؟؟؟

ما كفاية عليه 99 % بس

الحقيقة الدستور تنبأ للمشكلة دى وعشان كده لما لقي نسبه الرئيس كبيره كده رفض انه يعطى نسبه كبيره للحكومة كمان فأعطى للحكومة نسبة 1. % بس

شوف توا دقروماطيه أحسن من كده يا ناس ؟؟؟

بلد تدى الحكومة بحالها 1.% بس !! تبقى اسمها إيه دى؟؟؟

دقروماطيه ولا مش دقروماطيه؟ مترد رد عليه : دقروماطيه ولا مش دقروماطيه؟

طبعا دقروماطيه وأحسن دقروماطيه كمان