يوميات محاسب فى السعودية ( الجزء الثامن )

بصيت على وجه بشوش عمال

يضحك فى منتصف المكتب
قلت اروح انفض نفسى من كابة صاحبنا بتاع الرواتب
وسألت مين المحاسب دة ؟؟؟ اسم حضرتك اية ؟؟
حضرتك ؟؟ متقولش حضرتك انا اخوك وليد محاسب العهد
ياسلام اهو كدا الناس ولا بلاش
ازايك يااستاذ وليد .... ويعنى اية بقى محاسب العهد ؟؟؟
ايون سؤال جميل
يعنى انا اللى بسوى العهد بتاعت الموظفين
اللــــــــــــــــــــــــــــــــــه
والله الراجل المناسب فى المكان المناسب
اهو كدا الرحمة شوية
وفجأة اختفت الابتسامة من على وشة
والنسر اللى على قورته طار
وقالى بلهجة الجزارين ونظرة فكرتنى بالرجل الذى قام باداء دور ابليس بالافلام الدينية
وبصوت عالى قائلا
واللى مايعجبنيش بقصه
واحمل العهدة على ذمته
واخليه يشتغل ببلاش
واروحه لاهله منفض
ياساتر يارب ليه كدا يااستاذ وليد ؟؟
بصوت عالى قائلا .......... عشان احنا شغالين فى كرخانه
وبعدين حط ايده على كتفى فى هدوء التماسيح وضغط فجأة وقالى
انت مضيت على الخمس تلاف ولا لا ؟؟؟
خمس تلاف ايه يااستاذ وليد ؟؟ هو انا عملتلك حاجة ؟؟؟
ابوس ايدك ابعد عنى انا مش محتاج اروح لاهلى منفض
انا اصلا جايلكم منفض جاهز
وفجأة وبصوت عالى .......................... يعنى ايه ؟؟؟
هو عوض ممضكش على الخمس تلاف ؟؟؟
وهاج وصرخ ازاااااااااااااااااااااى ؟؟؟
فين عوض ؟؟؟
وخرج يجرى من المكتب وجه بعد شوية جايبلى
صورة من الورقة اللى مضيت عليها بخمس الاف
يانهار اسود انا مضيت على الورقة دى امتى ؟؟؟
دا تزوير
دى امضتك ولا لا ؟؟
ايوة هى امضتى بس انا مضيت عليها امتى ؟؟
اه يابن الايه ياعم عوض !!!
بقه جايبلى شاى بالنعناع وعمال تقولى نكت وانت بتمضينى ؟؟؟
الله يسامحك ياعم عوض ..... اعمل ايه بس ياربى؟؟؟
يعنى انا هشتغل هنا لحد ما اسدد الورق اللى انا مضيت عليه ؟؟؟
رد وليد لا متخفش احنا قلبنا طيب برده
احنا هنخصمهم منك على اقساط كل شهر 10% على ما تخلص
يعنى ايه ؟؟ يعنى انا مش هقبض غير 1000 ريال بس الشهر الجاى ؟؟ ازاى ده ؟؟
ده انا لازم ابعت 1500 اول شهرين علشان اسدد فلوس المكتب
ههههههههههههههههههههه ههههههههههههههههههههههه هههههههههههههههههه
وليد يضحك ضحكات متقطعه شريره
انت بتضحك على ايه ؟؟ هو انا قولت نكته ؟؟؟
لا مقولتش نكته ولا حاجه بس انا اللى هقولك على النكته
انت مش هتقبض اول اربع شهور خالص
وبعدين لو فكرنا نقبضك بعد كدا هنبدأ نخصم من الشهر الخامس
كرخاااااااااااااااااااانه ههههههههههه كرخاااااااااانه هههههههههههههه كرخاااااااانه ههههههههه
اخذ وليد يردد هذه الكلمات وهو يجرى فى المكتب ويضرب على راسه كلمجنون
اعوذ بالله ايه الاتنين دول ؟؟؟ رواتب وعهد !ّ!!
نكمل المرة الجاية

يوميات محاسب فى السعودية

( الجزء السابع )

الى الحسابات

اتصل (وليد ) بعم عوض ليرسل لهم

النزيل الجديد ليتعرفوا علية

دخلت عنبر الحسابات (اصدقكم القول )

كان اكثر ما يهمنى التعرف علية هو

الرواتب

ذلك حرصت على السلام على محاسب

الرواتب اولا

(ذلك النقطة السوداء فى تاريخ موظفى بن جارالله)

فلا اعلم هل يكره الموظفين المؤسسة لعيوبها ؟ ام لانهم يقابلون ابودبيكى اولا ؟؟؟

حين جلست اليه اساله عن المؤسسة وصاحبها وموظفيها ........ وليتنى ما فعلت !

ذلك الوجه الكئيب الذى يجلس بمقدمة المكتب

(تذكرنى نظراته بنظرات عبدالعال فى مسلسل رية وسكينة )

لا يهم لا تدل المظاهر على صاحبها دائما (هكذا قلت لنفسى لاقنعها بالجلوس الى ذلك المحمود )

اهلا استاذ محمود ( انا محمد صبحى المحاسب الجديد )

الرد اهلا ياكلب

هكذا رد محمود السودا على السلام

لية كدا يا استاذ محمود ؟؟؟ دا انا بسلم عليك ؟؟؟

ضحك محمود ضحكات متقطعه شريرة ثم قال .... هو انت متعرفش ولا اية ؟؟؟؟

ثم علا صوته فجأة وجذبنى من ملابسى صائحا .

احنا هنا كلنا كلاب .... وايامك اسودت ... واتنيلت بنيلة .... وامشى من قدامى الساعة دى

ياساتر يارب ليه كدا يا استاذ ابودبيكى ؟؟؟ قد كدا انت بتكره المحاسبين الجدد؟؟؟

اعاد محمود ضحكات الفايبرشن ثم سكت فجأة ونظر نظرة مرعبة قائلا ::

بل انتظرهم من الحين والحين لتقع عينى على الضحية الجديدة وابدأ بسلخها وتحميل ذمتها ب 2000

ريال ثم اخصم منها

ثم اوقف راتبها

ثم اعملها مخالصة بالسالب

ثم ابلغ عنها

ثم نرميها شهرين وبعدين نروحها بلدها

هههاااااااااااااهههههههههه هههههااااااااااااااههههههههههه هههههههاااااااااهههههه

ايامك اسودت يابنى ..... نهايتك قربت ياحبيبى ...... انت هنا كلب ههههاااااااههههههههه

اعوذ بالله من دا بنى ادم !!!!

ملقوش غيره عشان يحطوه فى الرواتب ؟؟؟

ياله اهو واحد ونستحمله

بصيت على وجه بشوش عمال يضحك فى منتصف المكتب

قلت اروح انفض نفسى من كابة صاحبنا بتاع الرواتب

نكمل المرة الجاية

يوميات محاسب فى السعودية ( الجزء السادس)

توقفت السيارة امام احد البيوت ذاتالطابقين الاول والثانى ونزل منها السائق الهندى كومار-

( ربما استغل الامر باحضارى الى الشركة وذهب الى بيته ليحضر اى شىء يحتاجه مثلا ...)

اننى لا اقبل بهذا التسيب فوقت العمل ملكا للعمل

وقد كدت ان انادى عليه لنعود الىالشركة ... قبل ان ينادى هو على بان انزل

لا وقت لدى للضيافة ياكومار

( ربما اراد ان يدعونى لتناول الشاى الهندى )

هيا بنا ياكومار اريد ان اذهب للشركة سريعا

وكانت المفاجأة

لقد كان بيت كومار ............ ( هو نفسه شركة بن جار الله )

لا بأس لعل الامر مختلفا من الداخل

امر عبر طرقة صغيرة لاجد عدد من العمال يفترشون الارض بامتعتهم عانيت فى تخطى الرقاب

قبل ان اصل مكتب نائب شئون الموظفين واوقظ العامل الذى يسند برأسه على الباب حتى لا يقع رأسة على الارض

حين ادخل على المدير وافتح الباب

دخلت للاستاذ شعبان ( حمد لله على السلامة ) الله يسلمك

كان اول ما اسعدنى ان الاستاذ شعبان من نفس المحافظة التى ولدت بها فى مصر ويعلم اسم بلدتى جيدا

.. ربما يخفف بعض الشىء من غربتى المهم قادنى الى حيث عم عوض موظف الارشيف

ذلك الرجل وعلى الرغم من انه ليس كسابقه من بلدتنا (فهو سودانى ) الا انك تشعر معه

وكأنه احد افراد اسرتك

وعلى الرغم من اننى كدت اسقط من التعب والارهاق فلم انام على مدار 4 ايام الا اننى لم

استطيع منع نفسى من التسامر معه

فهو يتمتع بروح الدعابة حين سألنى عن السكر الذى احضرته للغربة وعن مدة العقوبة الى

سأقضيها ( العقد )

كان يتحدث الى بتلك الفكاهات واعطانى كوبا من الشاى وانا اكاد اسقط من التعب فوضع فى

يدى القلم لاملأ بعض الاوراق

اصدقكم القول لقد اطمئنيت اليه فكنت اوقع على الاوراق دون ان اقرأها على اعتبار انها

النسخة الثانية من العقد للطرف الاخر