يوميات محاسب فى السعودية ( الجزء الاول)

بابا : أنا قولت حقوق يعنى حقوق

ماما: وانا قولت تربية يعنى تربية

اخويا: آداب يعنى آداب

بااااااااااااااااااااااااااس كفاية

انا خلاص اخترت وقررت

انا هدخل فنون جميلة

بابا : إيه ده . (فنون ايه ؟)يانهارك اسمر غامق ...على أخر الزمن هتبقى مغنواتى ؟؟؟

أنا قلت حقوق يعنى حقوق

ماما : (ايه ايه؟) يانهارك بنى محروق .. عاوز تمثل وتفضحنا؟ تدخل فنون؟ هتبقى مشخصاتي؟

أنا قلت تربية يعنى تربية

و تبقى مدرس عشان تذاكر لأخواتك

يا بابا مين قال بس أنى عاوز أغنى ؟؟

( وعلى العموم أنا مستعد بس أنتوا مستعدين تسمعوا ؟)

ويا ماما تمثيل إيه بس ؟؟ ( هما الحقيقة عرضوا عليه بس أنا رفضت )

أمال فنون إيه ياواد اللي أنت عاوزها؟؟قول بسرعة أصل إنا الفار ابتدئ يلعب في حجري

( إنا أتفرجت أمبارح على مسرحية العيال كبرت وعرفت سوسو عاوزه تشتغل إيه )

يا بابا يا ماما فنون جميله دى تنقسم إلى قسمين :

1- قسم عماره (ودول بيبقوا مهندسين زى اللي بيصمموا العمارات والبيوت كده)

2- قسم الفنون وده ينقسم إلى 4أقسام :

1- ديكور ودول يشتغلوا مهندسين ديكور زى اللي بيعملوا ديكورات في الفلل والقصور والتليفزيون

2- جرافيك ودول بيشتغلوا في الإعلانات وأفلام الكارتون

3- النحت عشان أعملك تمثال يا بابا

4- والتصوير ودول بيبقوا رسامين

بابا : رسامين ؟؟؟؟ هو أنت ياواد بتعرف ترسم ؟؟؟

لا طبعا

طيب آمال هتدخل الكلية دى تهبب إيه ؟؟

يا بابا الحمد لله نظام التعليم فى بلدنا بيشترط انك عشان تدخل كليه

لازم تكون ما بتفهمش فيها خليني أجرب هخسر إيه يعنى ؟؟؟