فى كلية التربية

إلـى التربيــــة

خلاص يا ماما إنا اقتنعت إن رضا الأم من رضا الرب وعشان كده هضحى عشان خاطرك بالكلية اللي كان نفسي ادخلها

أنا حسبتها بيني وبين نفسي لقيت أنى لو دخلت كلية أنتي مش راضيه عنها مش ممكن انجح فيها

عشان كده هحول لكلية التربية

ايوه كده ياحبيبى عشان تذاكر لأخواتك وتدى دروس خصوصية زى المدرسين اللي منفضنا أول بأول

في كليـــــة الفنــــــــــــــــــــــــــــون

( خلاص يا أستاذ إنا نويت أحول من الكلية بتاعتكو دى اعملي جواب تحويل لكلية التربية )

في كليه التربية

( لو سمحت يا أستاذ إنا عاوز أحول للكلية عندكم)

هي المشرحة ناقصة قتله ؟؟؟ ما تترزع في كليتك وتسكت

نهايته اسمك إيه ؟؟

نسر الشرق

طيب عاوز تحول لقسم إيه ؟؟؟

كيمياء

لحظه... يقلب الموظف في عدة دفاتر موجودة على مكتبه قائلا:

الكيمياء ..الكميا.. الكمى.. كمى... كا لا مفيش مكان القسم مفيهوش مطرح فاضي

مطرح ؟ طب شوفلنا مطرح في الانجليزي

انجليزي ... انجليز ...انجليش ... لا القسم كمبوليت

طيب فرنساوي

فرنساوي ... فرنسا ...فرنسايه... نابليون ... لا نو واى

طيب معندكش مطرح إيجار جديد ؟؟؟

أنت هتهزر معايا كمان ؟؟؟

لا يا عم مش قصدي بس أنت بتسألنى على القسم وبعدين تقولي كمبوليت

خلاص شوف أنت عندك إيه مش كمبوليت

الحقيقة يا بني أنت جى متأخر قوى خلاص تقريبا كل الأقسام كمبوليت

بس لحسن حظك فيه قسم واحد بس لسه فيه مكان فاضي

قسم إيه ده يا أستاذ قسم الشرطة ؟؟؟

لا لا قسم الشرطة ده لسه بعدين... ده قسم التربية الفنية

إيه ؟؟؟ فنيه تانى ؟؟؟ وارجع للمرحوم و أبولهب والراجل بتاع التمثال ؟ يبقى عملنا إيه ؟؟

ده حتى التربية الفنية مفيهاش دروس خصوصية وكمان اخواتى ما بيذاكروش رسم

لا ياعم مش لاعب

يا بابا ياحبيبى إنا بصراحة حاسس بتأنيب ضمير شديد جدا وحاسس أنى كنت هرتكب غلطة فظيعة ازاى أنت تدفعوتصرف والأخر ادخل كليه مش على مزاجك ؟؟؟ مش ممكن

إنا خلاص هحول لحقوق