فى كلية الحقوق

صباح الخير

اهلا عاوز ايه ؟

ياحضرات الموظفين .... ان الطالب الماثل امامكم لبرىء من الفنون ومن التربية (قصدى يعنى كلية التربية )

وانا اطالب باستعمال الرأفة والحكم عليه بأربع سنوات فى كلية الحقوق

حكمت المحكمة بأربع سنوات مع ايقاف التنفيذ

يله يابنى روح على زنزانتك ... (قصدي محاضرتك)

المحاضرة الاولى (محاضرة الدكتور حسن سبانخ )

بص ياواد يا طالب انت وهو المحامى الشاطر لازم يكون عنده لباقه حداقه يشم المجرم من على بعد 2 كيلو

ويجرى قبل اى زميل اخر ويخطف الزبون وبعدين ..........

العبارة فى الدوبارة

والمتهم اعترف تحت التعذيب

وبعدين القاضى عمل حادثة

والبقاء لله

وهنيالك يافاعل الخير والثواب

ورفعت الجلسه

ايه المحاضرة الغريبة دى هو انا دخلت كلية الحقوق ولا اكل الحقوق

ما علينا ياله خلينى الحق الترماى ..... ايه ده ؟؟ اول مرة الترماى يكون فاضى كده

دى بشرة خير لما الحقلى مكان بقه جنب الشباك

ايه الدوشة دى لما ابص من الشباك كده ؟

الناس دى ملمومة على ايه ؟ ياخبر

قتيل !!! ....قتيل تحت الترماى ؟؟؟

الترماى داس عليه وتحت الشباك اللى انا قاعد جنبه بالظبط

ايه ده ؟؟ مين اللى جاى يجرى من بعيد هناك ده ؟؟

الدكتور حسن سبانخ جاى يجرى عاوز يدافع عن سواق الترماى

ايه بيقول ايه ؟؟ القتيل هو اللى غلطان عشان هو اللى خبط الترماى ؟

ايه ده ؟ سواق الترماى محلتوش حاجة

ايه يادكتور سبانخ بتجرى كده ورايح على فين ؟؟

رايح تلحق أهل الميت عشان ترفع ليهم قضية تعويض لان سواق الترماى هو اللى غلطان وكان سايق بسرعه وكسر الاشارة ومتعمد وكان سرحان والفرامل عنده بايظه

طيب ربنا يوفقك ياكتور سبانخ

يا بابا يا ماما انا خلاص قررت اكتفى بالثانويه العامه

انت اتجننت ياله ؟ عاوز تضيع مستقبلك ؟

ابدا انا عقلت مش ممكن ابقي مدرس رسم ولا اقعد مع ابولهب فى محاضرة واحدة ولا ابقى زى الدكتور سبانخ

فجأة........

جرس الباب بيضرب .. اهلا ازايك ياعم احمد ... انت رايح فين بشنطك دى ؟؟؟

انا رايح أوصل بنتى للمطار عشان هى مسافرة السعودية لجوزها

وهو جوزها بيعمل ايه فى السعودية ياعم احمد ؟ بيعمل عمره ؟؟؟

لا لا ده ربنا كرمه بعد لما اتخرج وسافر السعودية واشتغل محاسب هناك فى شركة كبيرة

وبياخد يجى 10000 ريال فى الشهر وبعت ياخد مراته تعيش معاه

ياخبر 10000 ريال مره واحدة ؟؟ ليه هو خريج ايه ؟؟

هو اتخرج من كلية التجارة واشتغل محاسب

تجارة ؟؟ بس انا عمرى ما فكرت ادخل كلية تجارة

انت لسه هتبسبس ؟؟ مش سامع عمك احمد بيقولك 10000 ومش احسن ما تفضل صايع بالثانويه العامه ؟

بس انا يا بابا مبحش الكليه دى وعمرى ما فكرت فيها

خلاص فكر ياخويه بيقولك 10000 ريال

والجنيه فيه 100 قرش اقسم على 20 قرش يبقى الجنيه فيه 5 ريال يعنى 2000 جنيه

ايوه صحيح ياعم احمد هو اشمعنى بيقبضوه ريالات فضه ؟؟ليه مش بيدفعوله الراتب جنيهات عقده

معرفش هو بيقبض كده

ما علينا بكره تروح تقدم فى الكليه دى

صباح الخير ممكن احول للكليه بتاعتكوا؟

ايه التكاليف دى على الصبح ؟ تحويل يعنى ورق واقلام وطالب جديد هنصرف عليه هى ناقصه خساير ؟

بتقول حاجة حضرتك ؟

هات ورقك وروح على مدرجك(Deal)خلاص خلاص انتهينا

سنة اولى سنة تانيه

سنه تالته سنه رابعة

وبعد رحلة معاناه تبدء رحلة السعوديه فى الحلقه القادمه